ὁ κοινὸς τῶν πρωτευόντων τοῦ ἀριθμοῦ [τ]ῶν στρατιωτῶν τοῦ φρουρίου Ἐλεφαντίνης διὰ τῶν ἑξῆς
Φλ(αυίῳ) Πατερμουθίῳ υἱῷ Δίου νεοστράτῳ τείρονι τοῦ αὐτοῦ ἡμετέρου Ἐλεφαντίνης χαίρειν.
ἐδεξάμεθα τὴν σὴν προβατορίαν μεθʼ ἑτέ[ρ]ων ὀνομάτων ἐπὶ τῆς ἐξουσίας τοῦ κυρίου ἡμῶν Φλ(αυίου) Μαριανοῦ Μιχαηλίου Γαβριηλίου Ἰωάννου Θεοδώρου Γεωργίου Μαρκέλλου Ἰουλιανοῦ Θεοδώρου Ἰουλιανοῦ τοῦ τὰ πάντα ὑπερφυεστάτου στρατηλάτου καὶ πανευφήμου πραιφέκτου Ἰουστινιανῶν σὺν θ(ε)ῷ δουκὸς καὶ ἀγουσταλί[ο]υ τῆς Θηβαίων χώρας τὴν παρακελευομένην ἡμας καταταγῆναι τὴν σὴν προσηγορίαν εἰς τὴν ἡμετέραν μάτρικα ἀπὸ καλανδῶν Ἰανουαρίου τῆς παρούσης δωδεκάτης ἐπινε[μ]ήσεως βασιλείας τοῦ θειοτάτου καὶ εὐσεβεστάτου ἡμῶν δεσπότου Φλ(αυίου) Ἰουστίνου τοῦ αἰωνίου Αὐγ[ούσ]του Αὐτοκράτορος καὶ μεγίστου εὐεργέτου ἔτους τρισκαιδεκάτου καὶ Φλ(αυίου) Τιβερίου Νέου Κωσταντίνου τοῦ φιλανθρωποτάτου καὶ εὐτυχεστάτου τρισμεγίστου εὐεργέτου Καίσαρος ἔτους τετάρτου τοῖς μετὰ τὴν δευτέραν ὑπατείαν τοῦ α[ὐ]τοῦ γαλληνοτάτου ἡμῶν δεσπότου ἔτους δεκάτου.
καὶ ἡμεῖς ἔχοντες τὸν φόβον τῆς ἀκαταφρονήτου τῆς ὑμετέρας ἐνδόξου ὑπεροχῆς ἕτοιμοί ἐσμεν πᾶσι τοῖς προστεταγμένοις ἡμ[ῖ]ν τὸ ἱκανὸν ποιεῖν καὶ εἰς σὴν ἀμερ[ι]μνίαν ταύτην σοι πεποιήμεθα τὴν δηλωτικὴν ἔγγραφον ἀπόδειξιν τῆς προβατορίας τῆς σῆς στρατίας κυρίαν οὖσαν καὶ βεβαίαν ὡς πρόκ(ειται).
Φλ(αύιοι) Δῖος Παμινίου σὺν θ(ε)ῷ πριμικ(ήριος) καὶ Γεώργιος Δίου καὶ Πελάγιος Πασμῆτος καὶ Ἰωάννης Σαραπάμωνος καὶ Μακάριος Ἰσακίου καὶ Πάων Θεοφάνου καὶ Δῖος Πα[ο]υῶτος καὶ Δῖος Σερήνου ὀρδινάριοι καὶ οἱ λοιποὶ πρίορες ἀριθμοῦ Ἐλεφαντίνης οἱ προκ(είμενοι) ἐθέμεθα σοὶ ταύτην τὴν ἔγγραφον ἀποχὴν τῆς προβατορίας τῆς σῆς στρατίας καὶ στοιχεῖ ἡμῖν πάντα τὰ ἐν αὐτῇ γεγραμμένα ὡς πρόκ(ειται).
Φλ(αύιος) Μακάριος Ἰσακίου ὀρδινάρ(ιος) τοῦ αὐτοῦ ἀριθμοῦ παρακληθεὶς καὶ ἐπιτραπεὶς ἔγραψα ὑπὲρ αὐτῶν γράμματα μὴ εἰδότων.
διʼ ἐμοῦ Φλ(αυίου) Μακαρίου Ἰσακίου ὀρδιναρ(ίου) καὶ ἀδιούτορ(ος) τοῦ αὐτοῦ ἀριθμοῦ ἐγράφη.
ἀποχὴ προβατο[ρ](ίας) τῆς στρατί(ας) Πατερμουθί[ου] Δίου νεοστράτου τείρονος τοῦ ἀριθμοῦ Ἐλεφαντί(νης).
bene baleas
bene baleas